E TUATUA TEIA NA URA, E TANGATA BUKABUKA AIA.

KO Bukabuka e kaoa ia ki raro i te moana. Kua noo tetai atua ko Tamaye, kua tiaki aia i te toka. Kua manako ana aia e, e mea puapinga kore. Kua ngaa mai te toka e kua aere mai te tangata ki runga ko Uyo tona ingoa. Kua akara aia e kare e turanga, e kua anga aia i te enua e pini ua ake. Nona i katiri mai ei te tangata. Ko tana vaine no Tonga mai, e ko Te Vao-pupu te ingoa o taua vaine ra. Tera ta raua tamaiti tamaroa ko Tumuri-vaka; e ta raua tamaine ko Te-Matakiate.

No Tonga mai nga tangata toa i te tuatau taito, ko Tokaipore tetai, ko Tauperoa tetai. Kua noo raua, e kua mate raua ki teianei enua; e na raua i kokoti i nga oire. Ko Avarua te ingoa o tetai oire koia oki ko Ko tiporo. Ko Teawea tatai oire koia oki ko Panauri. Ko Takanumi tetai, koia oki ko Urekava.

Kua tupu ana te kumara, te tou, e te pia ki Bukabuka i te tuatau taito. I teia tuatau kare te kumara e kiko; ka tupu te tou ki roto i te au repo taro; e kare e pia i teia tuatau nei.

Kua aere ana ratou ki te au enua e manganui i te tuatau taito. Kua aere ana ratou ki te itinga o te ra, e te opunga o te ra, kare ki apatokerau, e ki apatonga. Kua kite ratou ia Manihiki e Tongareva (Penrhyn Island) Samoa e Niue, e tetai au enua atu. Kua tae ana tetai toa ma tona vaka tangata ki tetai pa enua ko Maungauiui te ingoa. E aratai tei rotopu i tetai enua e tetai enua, e te tu tangata e papaa, mei te Tinito te tu. Ko Te Kumatanau te enua openga ki te pae opunga, e ko Yilivari te enua openga ki te pae itinga. E au manu enua tei reira, e manu mamaata, e ngolo te ingoa o taua manu ra. Ko tetai toa Bukabuka kua tae aia ki tetai enua ko Vetuna te ingoa. Kua timata ana te tangata i te ta i aia; i reira kua kave ana aia i nga metua nona ki uta i te maunga; e kia kite te tangata i tona ririnui, kua opu aia i te ngolo, e kua aeae atura aia i taua manu ra; mataku akera taua enua tangata i aia. Tera te ingoa taito o Bukabuka ko Nukuroa.

Tera to ratou ingoa taito no Tahiti ma tona pa enua e Rarotonga ma tona pa enua ko Yaiake. Ko Rarotonga, e maunga ia no Yaiake. Kua pekapeka nga ariki tokorua, ko Turiyauora te ingoa o tetai ariki, e ko Tuyimate te ingoa o tetai ariki. I reira kua motu a Rarotonga, kua topa ke; e no reira i tuatuaia ko Rarotonga, no te mea no runga mai.

I te tuatau taito ra, e enua maata a Nukuroa (Bukabuka) e kua maata roa te tangata. Kua pou te enua e te tangata atu i tetai deluvi
maata. E meangiti ua te roto (lagoon) i taua tuatau ra. Ko te akaturi te ara i pou ei te tangata, e no te takinga kino o te tangata i te au idolo, no reira kua kiriti tumu te au atua i te enua. Ko tetai aronga kua akaoraia e to ratou au idolo, auraka e mate. Ko tetai aronga tei mate ana, na to ratou au idolo i akatu ana ia ratou ki runga. Na te tamaine a te ariki te kino. Kare taua tamaine i moeia e te tane, e kua aere aia e kua tuatua aia kia rave i te peu akaturi. Kua tuatua kotoa aia, e akakino i te au idolo. Kua riri te au idolo i reira, e kua akatupu ana ratou i te deluvi.

Ko te tupu anga o te tangata mei te metua vaine ia. Ko Te Ua Ruru, ko ratou te kopu tangata taito, e kua tupu ratou, mei te metua vaine ko Teraio. Ko Te Mango, ko te rua ia o te kopu tangata. Ko Te Uira, ko te toru ia o te kopu tangata. Ko Te Kati ko te ? ia o te kopu tangata.

Ko tetai au tuatua taito o Bukabuka, e te akatau anga ki te reo Rarotonga, e te rea Beritane.

Bukabukan. Rarotongan. English.
Taratara Tuatua Word.
Whare Are House
Taaua Tamaki Fight
?ra Tangata Metua An old man
Whenua Enua Land
Wa A Four
Whitu Itu Seven
Katoa Ngauru Ten
Akaemaema Akaperepere Beloved
Tataku Pure Pray
Manatu? Vareae Jealousy
Riri pokerekere Riri otooto Fierce anger
Watitiri Mangungu Thunder
Raui? Rangi marie Fine (as a fine day)
Tainamua Tuakana Elder or Eldest
Tainamuri Teina Younger or Youngest
K?inga Vaine Tuaine Real Sister
K?inga Tane Tungane Real Brother
Whareatua Ko te tamaine ia a te tuakana The daughter of the elder or eldest brother. Whareatua=the abode of the god.
Inakava Ko te tamaine ia a te tuaine The daughter of the sister
Aka Takai To tread
Lei vanau Rengarenga Yellow
Popo kava Kerekere rava Very black
Kena Teatea White
Mnkavakevake Teatea rava Very white
Koko Korare Spear
Kura melo Muramura A light red
Kura toto Muramura roa A dark red
Matoyinga Ngati, as Ngati tangiia A tribe
Poripori Katiri 1A line of descent.
1  This is reckoned in Bukabuka from the female side

Cook Islands Time

Cook Islands Calendar

March 2017
SMTWTFS
1234
567891011
12131415161718
19202122232425
262728293031

Follow us

Login Form



Get a Website

If you want to create a professional looking web site and you don't have any HTML programming experience or design skills

If you Have a static web site and you want more control over how the content is displayed and updated

If you want a website you can easily update yourself

If you run a company and want to sell some of your products online

Contact Us and get started...

TahitiZik


Sava Duty Free

Ocean Fresh

Cook Island News

Manea Foods

Mervin Communications

Kukicell

For best sound - Download

Jetsave Travel

Copyright © 2017 matarikifm.co.ck. All Rights Reserved.
Joomla! is Free Software released under the GNU/GPL License.